Áıgili ánshi Djennıfer Lopestiń vokalısi Sheron Iangblad paraqshasynda Qazaqstan jaıly áserin áli de bólisip jatyr. Bul joly ol elden ákelgen qazaqstandyq shokoladty AQSH-taǵy týystaryna úlestirgenin aıtty, dep habarlaıdy Aqshamnews.kz tilshisi.
Sheron gastróldik sapar kezinde Almatyǵa kelip, alǵash ret jergilikti táttilerdi jep kórgenin, jankúıerler oǵan qorap-qorap shokolad syılaǵanyn jetkizdi.
"Meni kópten beri baqylaıtyndar biledi: Qazaqstan halqymen arada erekshe jaqyndyq qalyptasty. Elge de, adamdarǵa da ǵashyq boldym. Sol sebepti sol jaqtan alǵan syılyqtarymdy bóliskim keldi. Qazaqstandyq qara shokolad – ómirimde jep kórgen eń úzdik táttilerdiń biri", – dedi Iangblad.
Jarıalanǵan vıdeoda onyń týystary qazaqstandyq shokoladtyń dámin tatyp kórip, joǵary baǵa berdi.
"Tańǵajaıyp! Bizdiń shokoladqa múlde uqsamaıdy, múldem bólek. Bul – men jep kórgen eń keremet qara shokolad", – deıdi vokalıstiń týysy.
Basqalary da "buǵan deıin mundaı dámdi shokolad jep kórmegenin», "eń unatqan táttileriniń birine aınalǵanyn" aıtty.
Eske salaıyq, buǵan deıin Sheron Almatyǵa kelgende qazaqstandyq shokoladtty qatty unatyp qalǵanyn aıtyp, keıin qonaq úı qyzmetkerleri onyń nómirine otandyq óndirýshiden kelgen táttilerdiń qomaqty qoryn jetkizip bergen edi.