İshimdik urttaǵandar «Oral-Almaty» baǵytyndaǵy jolaýshylar poıyzynda ustaldy.
Túrkistan stansıasyndaǵy jelilik polısıa bóliminiń qyzmetkerleri patrúldeý kezinde quqyqbuzýshylardy anyqtady, dep habarlaıdy aqshamnews.kz Rail-news.kz-ke silteme jasap.
Kólik polıseıleri tekserý barysynda 40 jáne 43 jastaǵy Qyrǵyzstan Respýblıkasynyń azamattarynyń jol boıynda spırttik ishimdik iship, balaǵat sózder aıtyp, jolaýshylardyń tynyshtyǵyn buzǵandyǵyn anyqtaǵan.
Quqyqbuzýshy-jolaýshylar akt boıynsha poıyzdan túsirilip, polısıa bólmesine jetkizildi. Olar alkogóldik ishimdikter ishkeni nemese qoǵamdyq oryndarǵa masań kúıinde kelgeni jáne usaq buzaqylyq jasaǵany úshin ákimshilik jaýapkershilikke tartylyp, árqaısysyna 25 AEK (92 300 teńge) aıyppul salyndy.
Esterińizge sala keteıik, jyl basynan beri Kóliktegi PD-niń qyzmetkerleri 77 834 azamatty túrli ákimshilik quqyq buzýshylyqtar jasaǵany úshin jaýapqa tartty, onyń ishinde alkogóldik ishimdikter ishkeni úshin – 6151, usaq buzaqylyq jasaǵany úshin – 646 tulǵa jáne t.b.