2024 jylǵy 19 qarashada BUU-nyń Bakýdegi klımattyń ózgerýi jónindegi 29-shy konferensıasy (COP29) sheńberinde Qazaqstan Respýblıkasynyń Aýyl sharýashylyǵy mınıstrligi klımatqa turaqty Aýyl sharýashylyǵyn ilgeriletýge jáne azyq-túlik júıelerin klımattyq syn-tegeýrinderge beıimdeýge óziniń mindettemesin rastady, dep habarlaıdy aqshamnews.kz sala mınıstrligine silteme jasap.
Aýyl sharýashylyǵy vıse-mınıstri Ermek Kenjehanuly joǵary deńgeıdegi birqatar is-sharalarǵa qatysyp, onda negizgi bastamalardy kóterip, eldiń turaqty aýyl sharýashylyǵy salasyndaǵy jetistikterin tanystyrdy.
Mınıstrlik azyq-túlik sektoryn transformasıalaý úshin klımattyq qarjylandyrýdy tartýǵa baǵyttalǵan Fast (Food and agriculture for Sustainable Transformation) seriktestiginiń resmı qatysýshysy boldy.
Sonymen qatar, mınıstrlik Bakýdegi «Garmonıa» bastamasyna qoldaý bildirdi, bul fermerlerdiń, sonyń ishinde áıelder men jastardyń múmkindikterin keńeıtýge yqpal etedi.
COP29 alańynda ASHM túrki memleketteri uıymynyń klımatqa tózimdi aýyldary forýmyn qurý týraly memorandýmǵa qol qoıdy. Bul forým tájirıbe almasý, zamanaýı agrotehnologıalardy engizý jáne klımattyń ózgerýiniń saldaryn azaıtý boıynsha birlesken strategıalardy ázirleý úshin platforma bolady.
Vıse-mınıstr FAST, «Garmonıa» jáne klımatqa tózimdi aýyldar forýmy sıaqty bastamalar, eń aldymen, halyqaralyq qarjylandyrýdy tartý arqyly klımattyq turaqtylyq pen azyq-túlik qaýipsizdigin nyǵaıtýdyń mańyzdy quraly bolyp tabylatynyn atap ótti.
ASHM agroónerkásiptik keshendi turaqty damytýǵa jáne aýyldyq aýmaqtardyń klımattyq turaqtylyǵyn nyǵaıtýǵa baǵyttalǵan ulttyq jáne halyqaralyq baǵdarlamalardy iske asyrý boıynsha belsendi jumysty jalǵastyrýda.