Oqıǵa Almaty-Pavlodar baǵytyndaǵy jolaýshylar poıyzynda bolǵan.
Quqyq buzǵan er adam Shyǵys Qazaqstan oblysy Aqtoǵaı stansıasyna kelgennen keıin poıyz bastyǵynyń aktisi boıynsha túsirilip, jelilik polısıa bólimshesiniń qyzmetkerlerine berildi, dep habarlaıdy Almaty-akshamy.kz Egemen.kz-ke silteme jasap.
Bul týraly kóliktegi polısıa departamenti bastyǵynyń birinshi orynbasary Madıar Aıtýǵanov aıtty. Tekserý barysynda kólik polıseıleri Pavlodar oblysynyń 28 jastaǵy turǵynyn anyqtady. Alkogóldi ishimdikke masaıǵan jolaýshy balaǵat sóz aıtyp, jolserikterdiń eskertýlerine qulaq aspaǵan. Osylaısha qoǵamdyq tártipti buzǵan.
«Tártip saqshylary quqyq buzýshyǵa qatysty QR ÁQBtK-niń 440-baby 3-bóligi, 434-baby 1-bóligi boıynsha eki hattama toltyryp, is Pavlodar oblysy Baıanaýyl aýdandyq sotyna jiberildi. Aıta ketý kerek, er adam buǵan deıin de qoǵamdyq oryndarda alkogól ishkeni úshin jaýapqa tartylǵan. Endi óreskel áreketin qaıta jasap otyr. Sot ákimshilik istiń materıaldaryn qarap, ony 20 táýlikke ákimshilik qamaýǵa alý túrinde ákimshilik jaza taǵaıyndaý týraly qaýly shyǵardy», - dedi M.Aıtýǵanov.