Almaty qutqarýshylary da kúsheıtilgen túrde qyzmet kórsetti, órt sóndirý bólimsheleri daıyndyqta boldy.
Jańa jyldaǵy qaýipsizdikti qamtamasyz etýde eń qıyndaý baǵyttarynyń biri - pırotehnıkalyq quraldardy paıdalaný. TJD Almaty qalasy boıynsha Memlekettik órtke qarsy baqylaý basqarmasynyń basshysy Danıar Júsipov mereke kúnderine deıin pırotehnıkalyq zattar satatyn oryndardyń barlyǵy derlik tekserilgenin aıtty, dep habarlaıdy Almaty-akshamy.kz.
«Pırotehnıka» jedel-profılaktıkalyq is-sharasy aıasynda Almaty qalasynyń TJD men PD qyzmetkerleri pırotehnıkalyq buıymdar satylatyn oryndarda reıdter júrgizýde. Pırotehnıkalyq buıymdardy ótkizý erejelerin buzǵan 50 tulǵaǵa qatysty ákimshilik áreket etý sharalary qoldanylyp, QR zańnamasynyń talaptaryna sáıkes kelmeıtin 600 danadan astam pırotehnıkalyq buıymdar alynyp tastaldy», - dedi D.Júsipov. .
Qabyldanǵan sharalardyń kómegimen pırotehnıkalyq buıymdar saldarynan bolatyn órt kóleminiń kómegimen pırotehnıkalyq buıymdar saldarynan bolatyn órt kólemin 3 esege deıin azaıtý múmkin boldy, 5 órt oqıǵasy tirkeldi, olardyń bireýi pırotehnıka saldarynan bolǵan.
«Pırotehnıkalyq buıymdardy paıdalanýdan zardap shekkender sany 3 esege qysqardy. Pırotehnıkalyq buıymdardy uqypsyz paıdalanýdyń saldarynan osy jańajyldyq merekeler kezinde 13 adam (onyń ishinde 3 bala) medısınalyq mekemelerge kómek surap júgingen. Ótken jyldyń osy kezeńinde 39 adam zardap shekti (onyń 29-y balalar), - dep jalǵastyrdy qutqarýshy.