Jańajyldyq mereke kúnderi kezdesetin dástúrli problemalardyń biri – ýlaný.
Almaty qalalyq "Jedel járdem" qyzmeti dırektorynyń orynbasary Andreı Lojkın ótken demalys kúnderi ádettegideı jumys istegenin aıtty, dep habarlaıdy Almaty-akshamy.kz.
217 brıgada jumyldyryldy, onyń ishinde: 186 "jedel járdem" brıgadasy jáne emhanalarda 31 "jedel medısınalyq járdem" brıgadasy.
«Táýligine 3 myńǵa jýyq qońyraý soǵyldy. Onyń 30%-ǵa jýyǵy - jedel juqpaly aýrýlarmen shaqyrylǵandar. Onyń 50 paıyzdan astamy balalarǵa shaqyryldy. JKO boıynsha shaqyrtýlardyń 10%-ǵa jýyǵy, onyń ishinde: jol-kólik oqıǵasy boıynsha 26 shaqyrý – 21 zardap shegýshi ártúrli jaraqattarmen aýrýhanalarǵa jetkizildi. Mereke kúnderi pırotehnıkalyq ónimderden 13 adam zardap shekti, onyń úsheýi - bala. Sıpattamasy boıynsha – bet pen kózdiń termıalyq jáne jarylý jaraqattary boıynsha 9 jaǵdaı jáne qoldyń tórt jaraqaty», - dedi A.Lojkın.
Sonymen qatar, mereke kúnderi "jedel járdem" brıgadalary úsh áıeldi úıde bosandyryp aldy, jańa týǵan náresteleri bar analar akýsherlik stasıonarlarǵa jetkizildi.
Sondaı-aq, A.Lojkın 2023 jyldyń 2 qańtarynda oryn alǵan oqıǵaǵa toqtalyp, apattyq jelige Tashkent-Almaty reısinde týrbýlenttik aımaqqa túsken ushaqtyń apatty jaǵdaıda qonǵany jáne zardap shekken 5 adam habarlama kelip túskenin aıtty.
«Zardap shekken Ózbekstannyń eki azamaty basynan jáne aıaq-qolynan jaraqat alyp, jedel járdem kóligimen aýrýhanaǵa jetkizildi, úsheýi tekserilýden bas tartty», - dep túıindedi spıker.