Elimizde 28 qańtardan bastap pıaz eksporttaýǵa úsh aıǵa tyıym salynǵan.
Biraq Saýda jáne ıntegrasıa mınıstriniń aıtýynsha, Qazaqstan bul tyıymdy ázirge alyp tastamaıdy, dep habarlaıdy Almaty-akshamy.kz
"Biz bul máseleni ázirge qarastyryp jatqan joqpyz. Saýda komıtetiniń málimetinshe, jınalǵan derekter elde orta eseppen 68 myń tonna pıaz baryn kórsetti. Bizge naýryz-sáýir aılaryna 40 myń tonna pıaz qajet", - dedi Jumanǵarın.
Eger bul málimetter rastalsa, saýda komıtetiniń ókilderi fermerlermen ishki naryqtaǵy baǵa týraly sóılesedi.
"Sol kezde kvotalaý múmkindigin qarastyramyz. Erteń syrtqy saýda qyzmeti boıynsha vedomstvoaralyq komısıasynyń otyrysyn ótkizý josparlanyp otyr", - dedi mınıstr.
Eske salsa ketsek, qazaqstandyq sharýalar qoımalardaǵy pıaz shirip jatqanyna shaǵymdanyp, tyıymdy alyp tastaýdy surady.