Qytaıdan onlaın satyp alynǵan taýarlardy jedel jetkizetin poıyz ashyldy. Shattl-poıyz Qazaqstan arqyly kórshi elderge de júredi.
«Qazaqstan temir joly» kompanıasy ınternet arqyly satyp alynǵan taýarlardy Qytaıdan jedel jetkizetin poıyzdyń iske qosylǵanyn málimdedi, dep habarlaıdy Almaty-akshamy.kz Azattyq Ruhy-na silteme jasap.
Kompanıanyń baspasóz qyzmeti málim etkendeı, Qytaı Halyq Respýblıkasynan onlaın satyp alynǵan taýarlardy endi turaqty tranzıttik shattl-poıyzy arqyly aldyrýǵa bolady. Poıyz Qazaqstan arqyly kórshi elderge de júredi.
«Úrimshi (QHR) baǵyty boıynsha Alashańqaı – Dostyq shekaralyq ótkeli arqyly Reseı baǵytynda, sondaı-aq Ózbekstan men Tájikstanǵa qatynaıtyn bolady», - delingen habarlamada.
Júkti mejeli stansıaǵa jetkizý merzimi 7-10 kúndi quraıdy. Turaqty qyzmet kórsetý jıiligi – apta saıyn.
Bolashaqta tasymaldaý kóleminiń odan ári ulǵaıýymen shattldardy jóneltý jıiligi ulǵaıady.