Ol kásipodaq múshelerimen birge medısına máselelerimen aınalyspaq.
Burynǵy densaýlyq saqtaý mınıstri Eljan Birtanov QazMed medısına jáne onymen sabaqtas salalar qyzmetkerleriniń kásipodaǵynda keńesshi qyzmetin atqaratyn boldy, dep habarlaıdy Almaty-akshamy.kz
Eks-mınıstr kásipodaq múshelerimen birge medısına máselelerimen aınalyspaq. Onyń aıtýynsha, salada kadr jáne eńbekaqy problemasy áli de ózekti.
Ótken jyldyń qazanynda eks-mınıstr Eljan Birtanov pen onyń orynbasary bolǵan Oljas Ábishev qylmystyq kodekstiń 361-baby (laýazymdyq ókilettikterdi teris paıdalaný) boıynsha kináli dep tanylyp, Birtanov 5 jylǵa, Oljas Ábishev 4 jylǵa bas bostandyǵynan shekteý jazasyna kesilgen. Olarǵa memlekettik qyzmetpen aınalysýǵa ómir boıy tyıym salynady. Sondaı-aq eskertýsiz mekenjaıyn ózgertýge bolmaıdy.
Eljan Birtanov pen burynǵy vıse-mınıstr Oljas Ábishev Densaýlyq saqtaý mınıstrliginiń jumys istemeıtin aqparattandyrý platformasyn qabyldap, iske qosý arqyly qyzmet babyn asyra paıdalandy degen aıyp taǵylǵan bolatyn. Osy platforma boıynsha oryndalmaǵan jumystyń quny 4,5 mln dollar nemese 1,5 mlrd teńge dep tanyldy.
2022 jyldyń 9 qarashada Eljan Birtanovtyń advokattary sotqa apelásıalyq shaǵym túsirdi.
Ótken jyldyń sońynda qazaqstandyq dárigerler Eljan Birtanovty qylmystyq qýdalaýdy toqtatý týraly petısıa jarıalaǵan.
Ótken aıda apelásıalyq cot alqasy Eljan Birtanov pen Oljas Ábishev isine qatysty sheshim shyǵaryp, shyqqan úkimdi ózgerissiz qaldyrǵan edi.