Bul týraly Ǵylym jáne joǵary bilim mınıstri Saıasat Nurbek aıtty.
Jyl sońyna deıin 3808 oryndy qamtıtyn 12 jataqhana ashý josparlanýda, dep habarlaıdy Almaty-akshamy.kz
«Qazirgi tańda jataqhana máselesine erekshe kóńil bólinýde. Áli de 87 myńdaı orynǵa qajettilik bar. Jyldyń sońyna deıin 3 myń 808 oryndy qamtıtyn 12 jataqhanalardy engizýdi de josparlap otyrmyz. Stýdentterdi jataqhanamen qamtamasyz etý máselesin sheshý úshin ýnıversıtettermen jáne qurylys kompanıalarymen memlekettik-jekemenshik áriptestik tetigi jetildiriletin bolady. Qurylys materıaldary naryǵyndaǵy baǵalardyń turaqsyzdyǵyn eskere otyryp, stýdentterdi jataqhanadan orynmen qamtamasyz etýge berilgen memlekettik tapsyrystyń mólsheri men tólem merzimi de qaıta qaralady», - dedi Saıasat Nurbek.