Bul málimetti Densaýlyq saqtaý birinshi vıse-mınıstri Marat Shoranov jetkizdi.
Qazaqstanǵa koronavırýsqa qarsy Pfizer vaksınasy qarashanyń ortasyna deıin jetkiziledi, dep habarlaıdy Almaty-akshamy.kz INTERFAX.RU saıtyna silteme jasap.
«Pfaızer vaksınalaryn jetkizý aǵymdaǵy jyldyń 8-14 qarashasy aralyǵynda kútilýde», - dedi Marat Shoranov.
Qazaqstan Pfizer vaksınasymen 12 jastan asqan balalardy olardyń zańdy ókilderiniń ruqsatymen, sondaı-aq júkti jáne bala emizetin áıelderdiń erikti kelisimimen egýdi josparlap otyr.
Qyrkúıek aıynda Pfizer vaksınasy Qazaqstanda ýaqytsha tirkeýden ótti, al qazan aıynda elimizdiń bas memlekettik sanıtarlyq dárigeri Erlan Qıasov osy vaksınamen egý naýqanyn bastaý týraly qaýlyǵa qol qoıdy. Qazaqstan Pfizer preparatynyń 4 mıllıon dozasyn jetkizýge kelisimshartqa otyrdy.