Jas ónertapqyshtar aldaǵy ýaqytta ónertabystaryn patenttemek
Aqtaý qalasyndaǵy Nazarbaev Zıatkerlik mektebiniń oqýshylary aramshópten bıopaket jasap shyǵardy. Tyń jobaǵa Asıa Tedjen men Ernar Ómirzaq mektep aınalasyndaǵy shópterdi paıdalanǵan. Materıaldyń syrt kelbeti pastılaǵa uqsas jáne bir kılogramǵa deıingi salmaqqa tótep bere alady. Oqýshylar tipti paketterdi kóptep shyǵaratyn qondyrǵynyń prototıpin de ázirledi. Endi jas ǵalymdar onymen jappaı naryqqa shyǵýdy josparlap otyr.
«Bir paketti jasaý úshin 30 mınýt ýaqyt ketedi. Biz bul ıdeıany jazdan bastap oılaǵanbyz, 3-4 aıdyń ishinde júzege asyrdyq. Qazirgi tańda plasık óte ózekti jáne áli de sheshilgen joq. Bizdiń polımerimiz tez ydyraıdy, 36 jyl ishinde tolyqtaı qara shirikke aınalyp ketip, topyraqtyń qunarlyǵyn arttyrady. Polıetılen ónimderine keremet balama bolyp tabylady. Osy qysta ónertabysymyzdy patentteýdi josparlap otyrmyz», - deıdi Aqtaý qalasyndaǵy Nazarbaev Zıatkerlik mektebiniń 11-synyp oqýshysy Asıa Tedjen.