Almatyda 8-17 qarasha aralyǵynda jol-kólik qozǵalysy qatań baqylaýǵa alynady
«Qaýipsiz jol» jedel-aldyn alý is-sharasyna baılanysty Almatyda jol qozǵalysyn baqylaý kúsheıtiledi, dp habarlaıdy Almaty-akshamy.kz QazAqparatqa silteme jasap.
«Jedel-aldyn alý is-sharalary ótetin kúnderi polısıanyń jeke quramy kúsheıtilgen qyzmetke aýystyrylady. Bul rette narádtardyń tyǵyzdyǵy artady. Sharanyń basty maqsaty – jol qozǵalysyna qatysýshylardyń joldaǵy tártibi men qaýipsizdigin qamtamasyz etý, jol qozǵalysy erejelerin buzý faktileriniń jolyn kesý, jol qozǵalysy erejeleriniń talaptaryn oryndamaıtyn júrgizýshilerdi anyqtaý», – dedi Almaty qalalyq Polısıa departamenti bastyǵynyń birinshi orynbasary Nurlan Almasbekov.
Sondaı-aq, is-shara barysynda polıseıler áınekteri karańǵylanǵan, jalǵan tirkeý nómirleri bar kólikterdi paıdalaný, kólikti mas kúıde júrgizý, sıgnaldyq daýys zoraıtqysh qondyrǵylar men jypylyqtaıtyn maıaktardy ornatý, jyldamdyqty asyryp jiberý jáne basqa da jol júrý erejelerin buzý faktilerine nazar aýdarady.
«Qoǵamdyq kólik jáne taksı parkteriniń qyzmeti erekshe baqylaýda bolady. Osyǵan baılanysty qalalyq avtokásiporyndar ókilderimen jospardan tys kezdesýler josparlanǵan, onda jol qaýipsizdigin qamtamasyz etý boıynsha birqatar másele talqylanady», – dedi Polısıa departamenti bastyǵynyń birinshi orynbasary.