1313 bala, 247 júkti jáne bala emizetin áıelge Pfizer vaksınasy salyndy.
Qazaqstandyqtar Pfizer vaksınasy aqyly túrde saldyra alady. Úkimet densaýlyq saqtaý mınıstrliginiń usynysyn qoldady, dep habarlaıdy Almaty-akshamy.kz
Densaýlyq saqtaý mınıstri Alekseı Soı azamattardy aqyly túrde vaksınalaý úshin Comirnaty (Pfizer) vaksınasyn komersıalyq naryqta satýdy usyndy. Úkimet bul usynysty qoldady.
«Adamdardyń ózderiniń tandaýy boıynsha qajet vaksınany aqyly túrde alý múmkindigi bolýy úshin vaksınany komersıalyq naryq segmentine jetkizý múmkindigi týraly usynysty qoldaımyn», – dedi premer-mınıstr Asqar Mamın úkimet otyrysynda.
Ol qazir Dúnıejúzilik densaýlyq saqtaý uıymynyń usynysymen vaksınalaýǵa jatatyn sanattaǵy adamdardyń kóbeıip jatqanyn atap ótti.
Jýyrda Qazaqstanǵa Pfizer vaksınasynyń 379 myń dozasy jetkizildi. Ekinshi partıa 20 qarashaǵa deıin jetkiziledi.
Qazir bul preparatpen vaksınalaý 7 óńirde – Jambyl, Qaraǵandy, Qyzylorda, Túrkistan oblystary men Almaty, Nur-Sultan, Shymkent qalalarynda bastaldy.