AQSH-ta qazaq mádenı ortalyǵy jumys isteı bastady
Ortalyqta qazir 20-dan astam bala tálim alady. Olardyń deni 5-13 jas aralyǵyndaǵylar. Sondaı-aq ustazdar balǵyndarǵa ana tilin úıretip qana qoımaı, olardy qazaq halqynyń salt-dástúrleri, mádenıeti men ónerimen jaqyn tanystyrady, dep habarlaıdy Almaty-akshamy.kz
«5 jasynan bastap aǵylshyn mektebine barǵandyqtan, keıbir balalar aǵylshyn tilinde sóılep qana qoımaı, oılaýy da múmkin. Sondyqtan biz aptasyna bir mezgil qazaqtyń tilin, mádenıetin umytpasa eken dep sabaq ótkizemiz. Men bizdiń balalarmen maqtanamyn. Sebebi olar qaıda júrse de qazaqsha sóılep, qazaq ekenderin maqtanysh tutady», - fılolog Qarlyǵash Shynybaeva.
Ortalyq dırektorynyń aıtýynsha, joba birinshi kezekte shetelde turatyn qazaqtardy biriktirý úshin qolǵa alyndy. Ideıa ásirese ata-analar arasynda keń qoldaýǵa ıe boldy.
«Jastar nemese eresek adamdar kelip, osy jerdegi qazaqtarǵa til úıretkisi kelse, esigimiz ashyq. Bul qazaqtardyń bir-birin qoldaýy úshin mańyzdy»,- Kalıfornıadaǵy qazaq ortalyǵynyń dırektory Raýshan Muhtar.
Aldaǵy ýaqytta ózge baǵyttaǵy úıirmelerdi de ashý jospary bar.