Brıtandyq dıetolog dáriger az jep, tez salmaq tastaý ádisimen bólisti, dep habarlaıdy Almaty-akshamy.kz tilshisi Lenta.ru-ǵa silteme jasap.
Sheteldik Express basylymynyń jazýynsha, brıtandyq dıetolog Maıkl Moslı az jep, tez aryqtaýǵa kómektesetin ádisterdi ataǵan.
Moslıdiń aıtýynsha, aryqtaýdyń basty jaýy - úıde zıandy tamaqtyń bolýy. Dáriger eger adam úıinde zıandy ári dámdi taǵamdar bar ekenin bile tura, óziniń erkine qarsy tura almaı, jańaǵy aty atalǵan tamaqtardy jep qoıýy múmkin dep sanaıdy. Mamannyń pikirinshe, salmaq tastaǵysy kelip júrgen adamdar úshin eń qaýipti sát - jumystan keıingi ýaqyt, ıaǵnı adam kúndizgi sharshaǵanynan tynyqqysy kelip, bosańsıtyn, ıaǵnı fılm nemese serıal kóretin kez.
«Eger siz teledıdar aldynda otyrsańyz jáne janyńyzda balmuzdaq pen pechene jatsa, siz olardy qalaı jep tastaǵanyńyzdy baıqamaı qalýyńyz da múmkin. Ekran aldynda jaıǵasqan kezde biz oılanbaı jeýge beıimbiz», — dep atap ótti Moslı. Sondyqtan da ol aryqtaý jáne qyzyǵyp ár nárseni jeı bermeý úshin tátti men kalorıasy joǵary azyq-túlik ónimderin almaýǵa keńes beredi.
Kórikti dene músinin saqtaǵysy keletin nemese artyq salmaqtan arylǵysy keletinderge dáriger kólemi shaǵyndaý kelgen tarelkalardy paıdalanýdy usynady. Ol osy ádis arqyly ydystaǵy tamaq porsıasy kóp kórinetinin jáne soǵan sáıkes, adam ózine qosymsha as salyp almaıtynyn jáne artyq jeý qaýpi azaıatynyn aıtyp túsindirdi. «Búgingi tańda tarelkalardyń ortasha kólemi 28,5 santımetrdi quraıdy, bul 1940 jyldarǵa qaraǵanda segiz santımetrge qaraǵanda úlkenirek», — dedi dıetolog.
Buǵan deıin brıtandyq dıetolog-dáriger Maıkl Moslı aryqtaýǵa jaqsy áser etetin sýsyndy jáne ony qandaı mólsherde tutyný kerektigin aıtqan bolatyn. Artyq salmaqtan arylyp, óz densaýlyǵyn kútetin adamdarǵa ol árbir tamaq isher aldynda bir stakan sý ishýdi usyndy.