Aldymen vaksınany qansha azamat alǵysy keletinin anyqtap alý mańyzdy.
QR Densaýlyq saqtaý mınıstri Alekseı Soı Pfizer vaksınasy aqyly segmentke qashan shyǵatyny týraly pikir bildirdi, dep habarlaıdy Almaty-akshamy.kz
«Pfizer vaksınasynyń quny boıynsha aıtsaq, biz Pfizer kompanıasymen aqyly vaksınasıa múmkindigi týraly kelisip jatyrmyz. Qajettilikti anyqtaý úshin tizimder jınalýda. Qazir Almatydaǵy emhanalar halyqtyń suranysyn zerttep jatyr. Vaksınanyń jaramdylyq merzimi bar ekenin túsiný kerek. Bul vaksınany qansha azamat alǵysy keletinin anyqtap alý mańyzdy. Nur-Sultan qalasynda da osyndaı jumystar júrip jatyr. Qazir barlyq jerde, óńirlerdiń bárinde osy is jolǵa qoıylǵan. Naqty qansha doza qajet, qansha azamat aqyly negizde vaksına alǵysy keledi? Osyny anyqtaǵannan keıin ǵana naqty qansha vaksına jetkizý kerektigi anyq bolady. Men Pfizer vaksınasy aqyly segmentke qashan shyǵatynyn áli naqty aıta almaımyn, biraq jaqyn arada deýge negiz bar. Bul máseleni biz turaqty túrde talqylap jatyrmyz, másele pysyqtalýda», - dedi Alekseı Soı.