«Terorızm aktisi týraly kórineý jalǵan habarlaý» baby tergeý jumystary júrgizildi
Petropavl turǵyny jarylǵysh qurylǵy týraly jalǵan habarlama bergeni úshin bir jylǵa bas bostandyǵynan aıyryldy. Bul týraly Almaty-akshamy.kz óńirlik Polısıa departamentine silteme jasap habarlaıdy.
14 aqpanda masań kúıdegi er adam «102» arnasyna Zavodskaıa kóshesindegi úıdiń podezinde jarylǵysh zatpen turǵany týraly habarlaǵan. Oqıǵa ornyna patrúldik polısıa batalónynyń qyzmetkerleri, jarǵysh tehnıkter men basqa da shuǵyl qyzmetterdiń ókilderi kelip jetti. Atalǵan úıdiń janynda masań kúıdegi er adam ustaldy.
Jeke tekserý barysynda eshbir jarylǵysh qaýipti zat tabylǵan joq. Atalǵan fakti boıynsha QR Qylmystyq kodeksiniń «Terorızm aktisi týraly kórineý jalǵan habarlaý» 273-babymen sotqa deıingi tergeý bastaldy.
8 maýsymda Petropavl qalalyq soty oǵan bir jyl merzimge bas bostandyǵynan aıyrý túrindegi jaza taǵaıyndaýǵa úkim shyǵardy.
«Er adamnyń zańsyz áreketi qala turǵyndarynyń tynyshtyǵyn buzdy. Osyndaı oqıǵalar menshik ıelerine materıaldyq shyǵyn keltire otyryp, obektilerdiń jumysyna jıi kedergi jasaıdy, adamdardyń tynyshtyǵyn buzady, ǵımarattardy tekserý úshin adamdardy evakýasıalaýǵa týra keledi. «Telefon terorızmi» úshin QR QK 273-babynyń sanksıasyna sáıkes iri kólemdegi aıyppul men 5 jylǵa deıingi merzimge bas bostandyǵynan aıyrý jazasy kózdelgenin esten shyǵarmaǵan jón», - deıdi SQO PD Ekstremızmge qarsy is-qımyl basqarmasynyń bastyǵy polısıa polkovnıgi Rýslan Jarasbaev.