Keshe Memleket basshysy «Qazaqstan Respýblıkasynyń keıbir zańnamalyq aktilerine qoǵamdyq baqylaý, ákimshilik rásimderdi jetildirý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıǵan bolatyn.
Osy zańǵa qatysty Mádenet jáne aqparat mınıstri Aıda Balaeva áleýmettik jeli arqyly óz oıymen bólisti, dep habarlaıdy almaty-akshamy.kz.
Keshe azamattyq qoǵam salasynda eki mańyzdy oqıǵa boldy: Memleket basshysy «Qoǵamdyq baqylaý týraly» zańǵa qol qoıdy jáne onlaın petısıalar ınstıtýtyn zańmen bekitti.Prezıdent bastamashy bolǵan «Qoǵamdyq baqylaý týraly» zańnyń maqsaty – el azamattarynyń memleket isterin basqarýǵa qatysýyn qamtamasyz etý.Zań azamattyq qoǵam ınstıtýttaryn odan ári nyǵaıtýǵa baǵyttalǵan.Onyń aıasynda petısıa ınstıtýty resmı túrde retteledi. Endi qazaqstandyqtar arnaıy ınternet-portal arqyly petısıa jibere alady.Búginde qoǵamymyzda ınternet-platformalarda senimdilik pen qaýipsizdikke kepildik bermeıtin ártúrli máseleler boıynsha petısıalardy uıymdastyrý keń taralýda. Naqty erejelerdiń bolýy qoǵamǵa osy mańyzdy quraldy tıimdirek jáne tártippen paıdalanýǵa múmkindik beredi.Zań ótinish berýdiń birneshe shekterin belgileıdi. Aýdandyq deńgeıdegi petısıalardy eń az degende 2,5 myń azamat qoldaýy kerek. Ótinish Úkimet deńgeıinde qaralýy úshin 50 myń azamattyń qol qoıýy qajet.Ótinishti qaraý prosesi múmkindiginshe ashyq bolady, qajetti qoǵamdyq tyńdaýlar ótkiziledi. Sońǵy sheshimdi memlekettik organnyń birinshi basshysy qabyldaıdy.Petısıa ınstıtýty túrli máseleler boıynsha qoǵamdyq pikirdiń naǵyz barometrine aınalady dep oılaımyn.Aıta keterlik jáıt, «Qoǵamdyq baqylaý týraly» zańdy daıyndaý boıynsha aýqymdy jumys 2021 jyly úkimettik emes uıym ókilderi, depýtattar, qoǵamdyq keńes músheleri men sheteldik sarapshylardan qurylǵan jumys tobynyń kómegimen atqaryldy. Osy sátti paıdalana otyryp, atalǵan zańdy ázirleýge belsene qatysqandardyń barlyǵyna alǵys aıtqym keledi, -dep jazdy Aıda Balaeva.