2025 jyldyń 23 qańtarynda Perızat Qaıratqa qatysty múgedek balalarǵa arnalǵan ońaltý ortalyǵyn salýǵa aqsha jınaý alaıaqtyǵy deregi boıynsha sotqa deıingi tergeý tirkeldi.
Bul is qoǵamda úlken rezonans týdyryp, áleýmettik jaýapkershilik pen qaıyrymdylyq máselesine qatysty suraqtardy alǵa shyǵardy, dep habarlaıdy aqshamnews.kz
2021 jyldyń qarasha aıynda Perızat Qaırat Aqmola oblysynda "Batyr" qoǵamdyq birlestigine ońaltý ortalyǵyn salý maqsatynda qaıyrymdylyq aýksıonyn ótkizgen. Onyń aıtýynsha, aýksıon nátıjesinde 48 mıllıon teńge jınalyp, quny 100 mıllıon teńge bolatyn ǵımarat syıǵa tartylǵan.
Tergeý barysynda anyqtalǵandaı, aýksıon kezinde shyn máninde 22 mıllıon teńge ǵana jınalǵan. Perızat Qaırat bul qarajatty óz qajettilikterine jumsaǵan. Sonymen qatar, ol "Batyr" qoǵamdyq birlestigi úshin quny 30 mıllıon teńge turatyn jer telimin satyp alǵanyn málimdegenimen, bul ýchastokty birlestiktiń ózi 2019 jyly satyp alǵany belgili boldy.
Perızat Qaırat bergen málimetterge qaramastan, ońaltý ortalyǵynyń qurylysy áli bastalǵan joq. Sondaı-aq, ortalyqqa qajetti delingen ǵımarat múldem joq bolyp shyqty.
Qazirgi ýaqytta sotqa deıingi tergeý jalǵasýda. Tergeý múddesine baılanysty qosymsha aqparat jarıalanbaıdy.