QUB Basqarmasy valútalyq retteý máselelerine qatysty qujattardaǵy ózgeristerdi bekitti.
Ózgerister valúta aıyrbastaýǵa da áser etti, dep habarlaıdy aqshamnews.kz.
Ulttyq bank basqarmasy valútalyq retteý máseleleri boıynsha birqatar normatıvtik quqyqtyq aktige ózgerister men tolyqtyrýlar da engizdi. Bankterdiń valútalyq operasıalar boıynsha esep berý merzimi qysqartylyp, valútalyq zańnama talaptarynan jaltarý úshin jasalýy múmkin jáne qarjy monıtorıńine jatatyn operasıalar tizimi keńeıtildi. Sonymen qatar, basqarma sheshimimen aqsha aıyrbastaý pýnkteri arqyly júrgiziletin operasıalar úshin qolma-qol shetel valútasyn satyp alý jáne satý baǵamdarynyń aıyrmashylyǵy shekteldi: AQSH dollaryna – 7 teńge, eýroǵa – 10 teńge.
Sonymen qatar, tólem júıeleri jáne Ulttyq banktiń ózge de qyzmetine qatysty máseleler boıynsha Qazaqstan Respýblıkasy Ulttyq banki basqarmasynyń keıbir qaýlylaryna ózgerister men tolyqtyrýlar engizý týraly sheshim qabyldanǵan.