FIFA 211 ulttyq federasıaǵa osy aptanyń ishinde ótetin barlyq machty bir mınýttyq únsizdikpen bastaýdy surady
Ár elde Pele atyndaǵy stadıon bolady. Ár elde kemi bir stadıonǵa Peleniń esimi berilýi kerek. Halyqaralyq fýtbol federasıasynyń prezıdenti Djannı Infantıno osyndaı usynys aıtty, dep habarlaıdy Almaty-akshamy.kz.
«Bolashaq urpaq Peleniń fýtbol álemi úshin mańyzy zor tulǵa ekenin bilip ósýi kerek”, - dedi Infantıno dańqty fýtbolshyny aqtyq saparǵa shyǵaryp salý rásiminde.
Qoshtasý sharasy Brazılıadaǵy Santos fýtbol klýbynyń stadıonynda boldy. Oǵan 230 myńǵa jýyq adam jınalyp, kezektiń uzyndyǵy birneshe shaqyrymǵa sozyldy. Buǵan deıin FIFA 211 ulttyq federasıaǵa osy aptanyń ishinde ótetin barlyq machty bir mınýttyq únsizdikpen bastaýdy suraǵan bolatyn.
Eske salaıyq, álem chempıonatynyń úsh dúrkin jeńimpazy Edson Arantıs dý Nasımentý nemese kópshilikke Pele esimimen tanymal dańqty fýtbolshy 29 jeltoqsan kúni 82 jasynda ómirden ótti.