Qazaqstan - birinshi orynda. Halyqaralyq boks qaýymdastyǵy jyldy qorytyndylap, álemdik reıtıńti jańartty, dep habarlaıdy Almaty-akshamy.kz.
Oǵan sáıkes, ulttyq qurama jalpy esepte birinshi orynǵa kóterildi. Qaırat Sátjanov baptaıtyn jigitterdiń enshisinde 48 100 upaı bar. Ekinshi orynǵa Ózbekstan quramasy jaıǵasty jáne qos komanda arasyndaǵy aıyrmashylyq aıtarlyqtaı úlken. Kórshi eldiń jigitteri 37 600 upaı ǵana jınady. Úzdik úshtikti Úndistan túıindep tur.
IBA reıtıńisine bas-aıaǵy 135 eldiń boksshylary engizilgen. Al, ondaǵy upaı qurlyqtyq jáne álemdik chempıonattardaǵy jetistiktirmen esepteledi. Aıta keteıik, Iordanıada ótken sońǵy Azıa chempıonatynda jerlesterimiz úsh altyn jeńip alǵan bolatyn. Halyqaralyq boks qaýymdastyǵy saıtynda, ásirese, Sáken Bıbosynov, Qamshybek Qońkabaev, Serik Temirjanov, Aslanbek Shymbergenov, Saǵyndyq Toǵambaı, Nurlan Saparbaı jáne aǵaıyndy Nurbek pen Aıbek Oralbaılardyń esimi erekshe atalyp ótken.