Almaty ákimi Erbolat Dosaev QR Prezıdenti Qasym-Jomart Toqaevtyń qatysýymen ótken keńeste bilim berý salasynda balalardyń qaýipsizdigin qamtamasyz etýge erekshe kóńil bólinetinin atady.
Sondyqtan jyl sońyna deıin Almatyda barlyq 206 memlekettik mektepte, 8 ınternatta jáne 193 memlekettik balabaqshada keshendi qaýipsizdik júıesin engizý aıaqtalady, dep habarlaıdy Almaty-akshamy.kz.
Bul júıe polısıa departamentiniń jedel basqarý ortalyǵymen biriktirilgen «dabyl» túımeleri, ótkizý júıeleri (týrnıketterdi), órt qaýipsizdigi júıesi, beınebaqylaý kameralary degen sóz.
Sonymen qatar, 2023 jyly basshylar men pedagogtardy oqytýdyń keshendi baǵdarlamasy keńeıtildi. Endi oǵan tek orta bilim berý mektepteriniń ǵana emes, mektepke deıingi uıymdar men kolejderdiń menedjerleri men muǵalimderi de kirdi.
«Inklúzıvti bilim berý muǵalimderiniń bilimin jetildirý boıynsha joba alǵash ret iske asyrylyp jatyr. Bul kýrstar Qazaqstannyń, Sıngapýrdyń, Ulybrıtanıanyń jetekshi bilim berý uıymdarynyń bazasynda ótedi», - dedi Almaty ákimi.