Memleket basshysynyń Almatyda jańa rekreasıalyq aımaqtardy qurý jáne kógaldandyrý jónindegi tapsyrmasyn iske asyrý aıasynda bıyl qańtar aıynda jasyl jelekterdi kútip ustaý jáne qorǵaý jóninde jańa erejeler qabyldandy.
Bul týraly qala ákimi Erbolat Dosaev QR Prezıdenti Qasym-Jomart Toqaevtyń qatysýymen ótken keńes barysynda málimdedi, dep habarlady Almaty-akshamy.kz. Onyń aıtýynsha, jańa kóshetterge qoıylatyn talaptar edáýir kúsheıtildi, jasyl jelekterdi kútý jáne qorǵaý jónindegi normatıvter artty ári mindetti túrde sýarý júıesiniń bolýy kózdelgen.
«Aýmaǵy 97 ga bolatyn 5 jańa rekreasıalyq aımaq pen ózen jaǵalaýlarynyń qurylysy jalǵasyp otyr, olar 2024 jyldyń 2 toqsanynyń sońyna deıin aıaqtalady dep josparlanǵan. Qazirgi tańda aýdany 30 ga bolatyn 2 jańa tálimbaqtyń qurylysyna JSQ ázirlenýde. Sýarý júıesin tartý úshin 29 uńǵyma jáne 5 sý jınaǵysh salyndy, 500 myńnan astam jańadan otyrǵyzylǵan jasyl jelekter tamshylatyp sýarý júıesimen qamtyldy», – dedi ákim.
Ári jasyl qordy saqtaý maqsatynda Almatyda túrli zıankesterden 2,3 mln jasyl jelekti bıoóńdeý júrgizilip otyr. Bıyl 320 myń kóshet jáne 2025 jyldyń sońyna deıin 1,2 mln kóshet otyrǵyzylady.