Almaty ákim Erbolat Dosaev QR Prezıdenti Qasym-Jomart Toqaevtyń qatysýymen ótken megapolısti damytý jónindegi keńeste qalada qaýipsiz jáne jaıly ómir súrýdi qamtamasyz etý úshin zamanaýı sıfrlyq tehnologıalar belsendi engizilip jatqanyn atady.
Memleket basshysynyń 2022 jylǵy tamyzda biryńǵaı beınemonıtorıng júıesin (BMJ) engizý jónindegi tapsyrmasyn iske asyrý nátıjesinde Almaty osyndaı júıe iske qosylǵan eldegi alǵashqy qala boldy. Ol beınedegi derekterdi taldaý múmkindigimen biriktiriledi. Sonymen qatar, 490 áleýmettik nysanda (83%) talshyqty-optıkalyq kabel tartý jumystary aıaqtaldy, onyń ishinde 372 nysanda beınekameralar BMJ-ǵa (63%) qosylǵan, dedi Erbolat Dosaev.
Buǵan qosa, búginde qalalyq polısıanyń jedel basqarý ortalyǵy 18,8 myń beınekamerany (97%) kórip otyrady. Bilim berý nysandarynda keshendi qaýipsizdik júıesin engizý aıaqtalǵannan keıin Almaty ákimdiginiń jobalyq keńsesi kameralardy 100% qosady. Sonymen birge, Almaty ákiminiń aqparaty boıynsha qala turǵyndarynyń qaýipsizdigi úshin bıyl jyl sońyna deıin qalanyń 8 aýdanynda 35 «dabyl túımesi» júıesi ornatylady. 2025 jyldyń sońyna deıin taǵy 70 «dabyl» túımesi paıda bolady. Al polısıanyń servıstik úlgisin iske asyrý aıasynda bıyl jyl sońyna deıin qalanyń barlyq aýdanynda 8 ortalyq, 2024 jyly taǵy 8 ortalyq iske qosylady.
Jalpy, 2023 jyldyń 7 aıynda qylmystyq quqyq buzýshylyqtar 28,7%-ǵa, jol-kólik oqıǵalary 24,5%-ǵa tómendegen.