Tehnıkalyq jáne kásiptik bilim berý pedagogteri arasynda respýblıkalyq spartakıada bastaldy.
Ulttyq ǵylymı-praktıkalyq dene tárbıesi ortalyǵynyń aqparatynsha, tehnıkalyq jáne kásiptik bilim berý pedagogteri arasynda respýblıkalyq spartakıada bastaldy. Oǵan Qazaqstannyń 18 oblysynan 740 pedagog qatysady, dep habarlaıdy Almaty-akshamy.kz.
Shara Abaı oblysynyń Semeı qalasynda sporttyq oıynnyń 5 túri boıynsha ótedi: voleıbol, basketbol, ústel tenısi, toǵyzqumalaq jáne fýtzal.
«Buryn sońdy kolej pedagogteri arasynda mundaı spartakıada bolmaǵan. Ótken jyly alǵash ret uıymdastyrylyp qatysýshylar tarapynan jaqsy qoldaý tapty. Bıyl bul shara jalǵasyn taýyp, kolej pedagogteri belsendilikterin kórsetip jatyr. Bul ár óńirdegi kolej pedagogteri arasynda dostyq pen yntymaqtastyqty damytyp, ózara tájirıbe almasýdy kózdeıdi»,- dedi Ulttyq ǵylymı-praktıkalyq dene tárbıesi ortalyǵynyń dırektory Saǵdat Sadyqov.
7 kúnge sozylatyn respýblıkalyq spartakıada úzdikter anyqtalyp, jeńimpazdar kýbok, medal jáne dıplomdarmen marapattalady.