Semınar-keńeske joba avtorlary – Abaı atyndaǵy QazUPÝ rektory Darhan Bilálov, akademıalyq máseleler jónindegi prorektor Maqtaǵalı Bektemesov, profesorlar Qorlan Jampeıisova, Natalá Han, Sholpan Kolýmbaeva, sondaı-aq ýnıversıtettiń ǵalym-pedagogtary, Almaty qalasynyń bilim berý qyzmetkerleri men mektep muǵalimderi qatysty.
Abaı atyndaǵy QazUPÝ-da QR pedagogıkalyq bilim berýdi damytý tujyrymdamasynyń jobasy talqylandy, dep habarlaıdy Almaty-akshamy.kz
Rektor óz baıandamasynda jobanyń negizgi erejeleri men pedagogıkalyq bilim berýdi damytýdyń basym baǵyttaryn usyndy. Óz sózinde Darhan Bilálov Tujyrymdama jobasy QR pedagogıkalyq bilim berý sapasyn arttyrý boıynsha sharalardy iske asyrý aıasynda ázirlengenin jáne bul qujattyń qazirgi qoǵamnyń mindetterin, ozyq halyqaralyq tájirıbeni jáne bilim berýdiń zamanaýı paradıgmasyn eskere otyryp, Qazaqstandaǵy pedagogıkalyq bilim berýdi damytýdyń tıimdi joldaryn anyqtaýdaǵy ǵylymı-praktıkalyq mańyzdylyǵyn atap ótti.
Baıandamashyǵa jáne jobany ázirleýshi avtorlarǵa bolashaq pedagogtardy kásibı daıarlaý sapasy, pedagogıkalyq JOO men profesor-oqytýshylardyń biliktiligin arttyrý júıesiniń ózara baılanys nysandary, barlyq deńgeıdegi bilim berý uıymdarymen áleýmettik áriptestik jáne «Mektep-JOO» júıesinde dýaldi oqytýdy iske asyrý, pedagogıkalyq praktıkanyń barlyq túrleriniń merzimderi men mazmuny, bilim alýshylardy pedagogıkalyq mamandyqqa yntalandyrý, sondaı-aq, pedagogıkalyq mamandyqtardyń BB-da zertteý quramdas bóligi ulttyq kontentti damytý jóninde qyzý talqylaý týǵyzǵan problemalyq suraqtar qoıyldy.
Semınar-keńeske qatysýshylardy dástúrli qundylyqtardy saqtaý jáne joǵary oqý ornyna deıingi kásiptik baǵdar berýdiń ınovasıalyq nysandaryn «Pedagog» mamandyǵyna engizý, joǵary pedagogıkalyq bilim berý deńgeıindegi daıarlaý modelderi – búıirlik kirý, qoldanbaly bakalavrıat, Honors College (daryndy bilim alýshylarǵa arnalǵan kolej) pedagogıkalyq bilim berý deńgeıinde júrgiziletin ınovasıalar erekshe qyzyǵýshylyq týdyrdy.
Talqylaý barysynda sóz sóıleýshiler atalǵan qujattyń QR pedagogıkalyq bilim berý júıesiniń sapasyn arttyrýdaǵy ınovasıalyq mańyzy men zamanǵa sáıkestigin atap ótti.