Roman Sklárǵa «Pavlodarenergo» AQ bas dırektory Vadım Lesınniń jaýaby unamady.
Premer-Mınıstrdiń birinshi orynbasary Roman Sklár Ekibastuzǵa jumys saparymen keldi, dep habarlaıdy Almaty-akshamy.kz Pavlodarnews.kz-ke silteme jasap.
Sapar barysynda Roman Sklár «Pavlodarenergo» AQ bas dırektory Vadım Lesınniń jumysyn qatań synǵa aldy.
Birinshi kezekte Úkimet tóraǵasynyń birinshi orynbasary sońǵy úılerdi jáne jalpy qalany jylýmen jabdyqtaýdy retteý máselesi qalaı sheshiletinin surady. Alaıda «Pavlodarenergo» AQ bas dırektory Vadım Lesınniń jaýaby R. Sklárdyń kóńilinen shyqpady.
«Sizdiń parametrlerińiz adamdarǵa eshteńe aıtpaıdy, turǵyndar úshin eń bastysy páterlerde jyly bolýy kerek. 65-66 gradýs temperatýrada jáne durys gıdravlıkalyq rejımde páterlerde qalypty temperatýraǵa qol jetkizýge bolady. Bul aıtyp otyrǵanyńyz túkke jaramaıdy. Siz tipti, meniń tapsyrmalarymdy oryndamaq túgili eshteńe túsindire almaısyz», – dedi Roman Sklár.
Premer-Mınıstriniń birinshi orynbasary Vadım Lesınge búgin «Pavlodarenergo» AQ aksıonerlerinen ony atqaratyn qyzmetinen bosatýdy talap etetinin jetkizdi. Biraz ýaqyttan keıin Roman Sklár «OAEK» AQ dırektorlar keńesiniń múshesi Sergeı Kanmen telefon arqyly sóılesken kezinde bul másele túpkilikti sheshildi.
Aıta keteıik, Roman Sklár Ekibastuzǵa jumys sapary aıasynda qalanyń áleýmettik nysandaryna baryp, birqatar kezdesýler ótkizedi.