Jarysqa ártúrli elderden 900-ge jýyq sportshy qatysýda.
Almatyda balalar, jasóspirimder, eresekter jáne sheberler arasynda AIGA grepplıngten Almaty Open 2023 KIDS / ADULTS / MASTERS týrnıri ashylý saltanaty ótti, dep habarlaıdy Almaty-akshamy.kz
Jarysqa Qazaqstannyń, Qyrǵyzstannyń, Tájikstannyń jáne Reseıdiń ár óńirinen 900-den astam sportshy, sondaı-aq Almaty oblystyq balalar úıi men «Januıa» balalar úıiniń tárbıelenýshileri qatysty.
Týrnırge jalpy sany 900-ge jýyq qatysýshy tirkeldi. Sonymen birge óńirlerden de qatysýshylar bar. Almaty oblysynyń «Januıa» balalar úıinen kelip, qatynasty.
«Bul halyqaralyq týrnır bolyp sanalady. Muny jyl saıyn ótkizemiz. Osymen qatarynan úshinshi ret ótkizip turmyz. Buǵan alys-jaqyn shetel men óńirlerden kelgen jas sportshylar qatysýda. Osy joly Qyrǵyzstan, Ózbekstan, Tájikstannan kelgen sportshylar belsendilik baıqatýda. Sportshylar úshin osyndaı jarystardyń mańyzy óte joǵary degimiz keledi», - dedi Greplıng federasıasy Prezıdenti Aqmaral Qanatbaeva.
Halyqaralyq týrnırge daıyndyq barysy, jattyǵý qyzý júrgen. Bul týraly djıý djıtsý mamandary pikir bildirdi.
«Biz quramamyzben óte tyńǵylyqty daıyndalyp keldik. Belgili bir jarysqa barmaı turyp, aldymenen jattyǵýǵa kóńil bólý kerek. Ózimiz de sol etaptan óttik. Túrksib aýdanyndaǵy jattyǵý zalynda barynsha sportshylardyń daıyndyǵyn pysyqtadyq», - dedi jattyqtyrýshy Maksım Paı.
Aıta keteıik, týrnır 2 kúnge sozylady. Aıaqtalý ýaqyty - 12 aqpan.
