Dáýlet Shabanbaı
Pavlodar oblysynyń ákimi Ábilqaıyr Sqaqov London olımpıadasynyń júldegeri Dáýlet Shabanbaıǵa páter kiltin tabys etti, dep habarlaıdy Almaty-akshamy.kz oblystyq ákimdiktiń baspasóz qyzmetine silteme jasap.
Dáýlet Shabanbaı – Azıa chempıonatynyń tórt dúrkin (2008, 2009, 2011, 2014) qola jáne Azıa oıyndarynyń kúmis júldegeri. Bıyl qyrkúıek aıynda dopıngke qarsy tekserister jáne Grýzıa men Ózbekstan sportshylary nátıjeleri esepke alynbaǵanynan keıin jerlesimiz Londonǵy 2012 jylǵy Olımpıadanyń qola júldegeri atandy. Sportshy mansabyn aıaqtaǵannan soń palýan jattyqtyrýshy bolmaq.
«Basty maqsat – jastarǵa tájirıbem men eńbeksúıgishtik qasıetterdi jetkize bilý. Eńbek bárin de jeńbek. Qazaqstan sportynyń týy bıikte jelbireı bersin», – dedi Dáýlet Shabanbaı.
Óńir basshysy Olımpıada júldegeriniń sportty damytýdaǵy eńbegin joǵary baǵalap, Pavlodardaǵy bir bólmeli páter kiltin tabystady.
«Oblys turǵyndary sizdiń jetistigińizben maqtanady. Óskeleń urpaq úshin úlgisiz. Jıǵan tájirıbeńiz ben sheberligińizdi jas sportshylarǵa daryta bilýge kerek. Shyn júrekten, isińizge sáttilik tileımin», – dedi Ábilqaıyr Sqaqov.