BUU-nyń 27-shi klımattyq konferensıasy
Eýropalyq komısıanyń tóraıymy Ýrsýla fon der Láıen Soltústik jarty shar memleketterin Jahandyq Ońtústikke qarjylyq qoldaýdy jedeldetýge shaqyrdy, dep habarlaıdy Almaty-akshamy.kz QazAqparat-qa silteme jasap.
Euronews aqparat agenttigindegi málimet boıynsha, Mysyrda ótken BUU-nyń 27-shi klımattyq konferensıasynda sóılegen sózinde ol damyǵan elder jahandyq jylyný áserinen eń osal aımaqtarǵa kómek kórsetý úshin jyl saıyn 100 mlrd dollar paketin bólýdi ýáde etkenin eske saldy.
13 jyl buryn Kopengagende 15-shi konferensıa kezinde berilgen bul ýáde áli oryndalǵan joq.
Ekonomıkalyq yntymaqtastyq jáne damý uıymy (EYDU) 2020 jyly baı elderdiń memlekettik jáne jeke qor túrinde jumyldyrǵan jalpy soma 83 mlrd-tan sál ǵana asady dep esepteıdi.
«Ońtústik elder resýrstarǵa baı. Kúshimizdi biriktireıik. Eýropalyq Odaq Mysyr, Namıbıa jáne Qazaqstanmen sýtegi seriktestigi jóninde kelisti. Biz Vetnam jáne Ońtústik Afrıka sıaqty seriktesterge ekonomıkasyn kómirteksizdendirýde qoldaý kórsetemiz. Osydan 7 jyl buryn Parıj konferensıasynda qoıylǵan maqsatqa jetýimiz kerek. Eýropa kózdegen baǵytynan taımaıdy. 2030 jylǵa qaraı parnık gaz shyǵaryndylaryn kem degende 55%-ǵa azaıtamyz», - dedi Eýrokomıssıa tóraıymy.
Degenmen, keıbir mamandardyń pikirinshe, konferensıaǵa qatysýshylardyń bári birdeı zıandy shyǵaryndylar Pákistandaǵy apatty sý tasqyny sıaqty ekstremaldy aýa raıy jaǵdaıyna qalaı ushyratatynyn túsinbeıdi.
«Copernicus» baǵdarlamasy (klımat monıtorıńi qyzmeti) sarapshylarynyń habarlaýynsha, rekordty ystyq jazdan keıin Eýropada qazan aıynda temperatýra eń jyly kórsetkishke jetti.
1991-2020 jyldar aralyǵyndaǵy bazalyq kórsetkish Selsıı boıynsha 2 gradýsqa artty.