Pavlodar qalasynda órt sóndirýshi KamAZ kóligi men balalar avtobýsy soqtyǵysyp qaldy, dep habarlaıdy almaty-akshamy.kz.
Segiz tonnalyq avtosısternanyń shaqyrtýǵa bara jatqany belgili boldy. Sala mamandarynyń habarlaýynsha, avtobýs órt sóndirý kóligin ótkizbeı qoıǵan. Saldarynan joldyń boıynda turǵan jeńil mashınaǵa da soǵylǵan. Jol-kólik oqıǵasy kezinde avtobýs ishinde 15 bala boldy. Olardyń segizi aýrýhanaǵa jetkizildi. Taǵy úsheýi oblystyq balalar aýrýhanasynyń jaraqattar bólimine jatqyzyldy. Qalǵany ambýlatorıalyq baqylaýǵa alyndy. Dárigerlerdiń aıtýynsha, oqýshylardyń jaǵdaıy turaqty. Bul derek boıynsha ishki ister organy tekseris bastady.
- 101 púltine Shyǵys óndiristik aýmaǵyndaǵy órt týraly habarlama tústi. Oqıǵa ornyna eki arnaıy tehnıka jiberildi. Órt sóndirýshi kóligi Ólgın kóshesi boıymen bara jatqanda, oqýshylar avtobýsymen soqtyǵysty. Qoǵamdyq kólik órt sóndirýshilerge jol bermegen. Apattyń mán-jaıyn anyqtap jatyrmyz, - deıdi oblystyq TJD órt sóndirý qyzmetiniń bólim basshysy Isqara Dastan.