Sheksiz múmkindikter endi ınternette
Almaty men astanada 5G jelisi synaqtan ótip jatyr, dep habarlaıdy Almaty-akshamy.kz 24.kz-ke silteme jasap.
Qazaqstanda 5G ǵalamtor jelisin iske qosý kezeń-kezeńimen júzege asyrylady. Aldymen asa joǵary jyldamdyqtaǵy ınternet servısi elimizdiń iri qalalarynda paıda bolady.
Bul jóninde Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın áleýmettik jelidegi paraqshasynda málimdedi. Ol qazirgi kezde baılanys operatorlary Nur-Sultan jáne Almatynyń keı jerlerinde 5G jelisin testten ótkizip jatqanyn, alǵashqy ólshemder jaqsy nátıje kórsetkenin aıtty.
Osydan bir aı buryn ǵana elimizdegi uıaly baılanys opertorlarynyń biri «Almatydaǵy Panfılov kóshesinde 5G ınternetti qostyq» dep súıinshi suraǵan.
Jalpy, 5G mobıldi ınterneti búginde keńinen paıdalanylatyn ǵalamtordan 10 ese jyldam. Degenmen, ázirge synaq retinde ǵana qosyldy. Sondyqtan abonementterdiń bári ony qoldana almaıdy.