Pavlodarlyqtar ınelikke qurmet kórsetti
Temirden soǵylyp, tuǵyry betonnan quıylǵan ınelikti gúlzardyń ústine qondyrý josparlanyp otyr. Al tapsyrysty saıabaqty abattandyryp jatqan merdiger fırma bergen, dep habarlaıdy Almaty-akshamy.kz "Habar 24"-ke silteme jasap.
Jalpy, bul jándikke degen pavlodarlyqtardyń qurmeti bólek. Tipti ınelikti qalanyń sımvolyna aınaldyrý kerek degen bastama da kóterip júr. Óıtkeni jaz shyǵa Ertis óńiriniń halqy qansorǵysh jándikterden zardap shegedi. Masa-shirkeılerdi joıýǵa búdjetten qyrýar qarjy da bólinedi. Biraq atqarylǵan jumys tıimdiligin kórsete bermeıdi. Tek ınelik shyqqanda ǵana zıankesterdiń kózi joǵalady. Máselen, bir ınelik eki saǵatta 40 shaqty shybyn-shirkeıdi joıady eken.
"Mynaý ınelik temirden jasalǵan. Temirden jasaý qıyn, ońaı emes. Sondyqtan bul dekoratıvti skýlptýra. Qanaty da mynadaı shynymen qaptalǵan. Qasymdaǵy jigit ekeýimiz tórt jyldan beri birge isteımiz, osy qalada, basqa jaqtarda músin jasaımyz", - deıdi músinshi Marat Ábilqasymov.