Eýropalyq Parlamenttiń kezekti kóshpeli sesıasy barysynda Strasbýrg qalasynda (Fransıa) Kómir jáne bolat jónindegi eýropalyq birlestiktiń (KBEB) jalpy assambleıasynyń qurylǵanyna 70 jyl tolýyna arnalǵan saltanatty rásim ótti, dep habarlaıdy Almaty-akshamy.kz QazAqparatqa silteme jasap.
EO Parlamentiniń baspasóz qyzmeti atap ótkendeı, 1952 jyly qurylǵan Kómir jáne bolat jónindegi eýropalyq birlestiginiń jalpy assambleıasy - Eýroparlamenttiń aldynda qurylǵan uıym.
1952 jyly Assambleıaǵa múshe árbir memlekettiń ulttyq parlamentterinen taǵaıyndalǵan 78 parlamentshi kirdi. 1958 jyly Eýropalyq ekonomıkalyq qoǵamdastyq pen Eýropalyq atom energıasy qaýymdastyǵy qurylǵannan keıin EKBB jalpy assambleıasy keńeıtilip, «Eýropalyq Parlamenttik assambleıa» bolyp ózgertildi. 1962 jyly organ «Eýropalyq parlament» ataýyn qabyldady.
Saltanatty sharany Eýroparlament tóraǵasy Roberta Metsola ashty. Ol Kómir jáne bolat jónindegi eýropalyq birlestiktiń (EKBB) jalpy assambleıasynyń birinshi otyrysynan keıingi 70 jyl ishinde Assambleıanyń tek nyǵaıyp kele jatqanyn atap ótti.
«Eýropalyq parlament tikeleı daýys berý arqyly saılanatyn álemdegi jalǵyz ókildi organ boldy. Ol – kóptildi, kóppartıaly jáne transulttyq parlament», - dedi ol.
Saltanatty shara Lúdvıg van Bethovenniń «Qýanysh týraly oda» týyndysymen aıaqtaldy.