22 qarashadan bastap "Medeý" muz aıdynyndaǵy avtoturaq tegin boldy, dep habarlaıdy Almaty-akshamy.kz Almaty.tv-ǵa silteme jasap.
Muz aıdyny mańyndaǵy avtoturaq qana emes, ony baqylaıtyn kameralar da alyndy. AParking kompanıasy habarlaǵandaı, endi muz aıdyny janyndaǵy alańǵa kólikti tegin qoıýǵa bolady. Biraq aspaly jol aýmaǵyndaǵy shlagbaýmdy turaqtar áli de aqyly.
Jeńildik qansha ýaqytqa sozylatynyn kompanıa aıtqan joq. Degenmen turaq jabdyqtaryn alyp tastaǵanyn eskersek, «Medeýdegi» avtoturaq bir aıdan asa tegin bolatyn shyǵar.
«Medeý» mańyndaǵy turaq 2021 jyly kóktemde aqyly bolǵan. Baǵasy — saǵatyna 100 teńge. AParking osy arqyly demalys orny aýmaǵyn tártipke keltirýdi kózdegen.
Buryn AParking kompanıasyna tıesili bolǵan barlyq aqyly turaqtar qala menshigine ótti.