Kúdiktiktiniń ornalasqan jeri týraly aqparat bergen adamǵa 4 000 aılyq eseptik kórsetkishke deıin syıaqy kózdelgen
QR Sybaılas jemqorlyqqa qarsy is-qımyl agenttigi Pavlodar oblysy Polısıa departamentiniń burynǵy bastyǵy Nurlan Másimovke izdeý jarıalady, dep habarlaıdy Almaty-akshamy.kz.
«Asa aýyr sybaılas jemqorlyq qylmys jasaǵany úshin 1973 jyly týǵan Másimov Nurlan Myrzahanuly izdestirilýde. Kúdiktini anyqtaý nemese onyń ornalasqan jeri týraly qandaı da bir aqparat bolǵan jaǵdaıda Agenttiktiń kórsetilgen telefondary boıynsha habarlaýdy suraımyz: call-sentr 1424; +7 (7172) 909 260; +7 (727) 278 7300; +7 (707) 978 0808»,-delingen habarlamada.
Málimetke saı, izdeýdegi kúdiktiktiniń ornalasqan jeri týraly aqparat bergen adamǵa 4 000 aılyq eseptik kórsetkishke (AEK) deıin syıaqy kózdelgen. Sondaı-aq, habarlamanyń qupıalylyǵyna kepildik beriledi.