Qazaqstannyń elektrondyq qujattandyrý júıesi birneshe elde sátti jumys istep jatyr
2022 jyldyń 1 maýsymynan bastap Túrkıa aýmaǵynda «QR sheginen tys jerlerde turatyn QR azamattaryna pasporttardy rásimdeý» memlekettik qyzmetti elektrondyq formatqa kóshirý boıynsha «pılottyq jobasy» bastaldy, dep habarlaıdy Almaty-akshamy.kz.
QR Syrtqy ister mınıstrligi baspasóz qyzmetiniń habarlaýynsha, atalǵan joba QR Syrtqy jáne İshki ister mınıstrlikterimen Prezıdent Qasym-Jomart Toqaevtyń Joldaýyn iske asyrý sheńberinde júzege asyrylyp jatyr jáne Qazaqstannyń Ankara, Ystanbul jáne Antalá qalalaryndaǵy sheteldik mekemelerine júgingen Qazaqstan azamattaryna pasportty 80 kúnniń ornyna 30 kún ishinde alýǵa múmkindik beredi.
Búgingi tańda elektrondyq qujattandyrý júıesi Qazaqstannyń Birikken Arab Ámirlikteri (Ábý-Dabı, Dýbaı qalalary), Germanıa (Berlın, Maındaǵy Frankfýrt, Múnhen, Gannover qalalary), Koreıa Respýblıkasy (Seýl q.), Reseı (Máskeý q.), AQSH (Vashıngton, Nú-Iork, San-Fransısko qalalary), Ózbekstan (Tashkent q.) men Japonıadaǵy (Tokıo q.) sheteldik mekemelerinde sátti jumys isteıdi.