Almaty qalasynyń Óńirlik komýnıkasıalar qyzmetiniń brıfıńinde qalanyń sanıtarlyq-epıdemıologıalyq qyzmetiniń mamandary vaksınasıa júrgizý vırýstyń aldyn alýdyń tıimdi sharalary ekenin eske saldy, dep habarlaıdy almaty-akshamy.kz.
«Jalpy, qalada 2024 jyldyń 5 aıynda birqatar profılaktıkalyq egýler belgilengen jastaǵy halyqty qamtýdyń qajetti deńgeıine (kem degende -39,5%) jetti, onyń ishinde 1 jasqa deıingi, 18 aı, 6 jastaǵy balalardy jáne 16 jastaǵy jasóspirimder, eresek turǵyndardy egýmen qamtý», - dedi Almaty qalasy Sanıtarlyq-epıdemıologıalyq baqylaý departamenti basshysynyń orynbasary Ásel Qalyqova.
Perzenthanalarda nárestelerdi V vırýsty gepatıtine jáne týberkýlezge qarsy vaksınasıamen qamtý qajetti deńgeıden tómenirek bolyp - 89,9% jáne 89,0% qurady (tiri týǵandar – 20312, VGV1 egilgender -18233, BSJ egilgender -18069), bul negizinen qalanyń perınataldyq ortalyqtarynda týylǵan balalardyń shala týylýy sebebinen medısınalyq qarsy kórsetilimderge, sondaı-aq ata-analardyń profılaktıkalyq ekpelerden bas tartýyna baılanysty. Belgilengen jastaǵy halyqty egýmen qamtýdyń qajetti deńgeıine jetý úshin Almaty qalasynyń densaýlyq saqtaý basqarmasymen birlesken keńester uıymdastyrý arqyly medısınalyq uıymdar keskininde aı saıynǵy monıtorıń júrgiziledi.
Qalada, sondaı-aq respýblıka boıynsha aǵymdaǵy jyly naýryz aıynan bastap, buryn ekpe almaǵan jáne ekpe kýrsy aıaqtalmaǵan 18 jasqa deıingi balalarǵa tolyqtyra ımmýndaý júrgizilýde. Búgingi kúni tolyqtyra ımmýndaý aıasynda 17 538 bala egilgen, onyń ishinde qyzylsha, qyzamyq, epıdemıalyq parotıtke qarsy KKP – 3 671 bala, dıfterıa, kókjótel, sirespe, gemofıldi ınfeksıa, vırýstyq gepatıt V, polıomıelıtke qarsy Geksaksım vaksınasymen – 6 045 bala, dıfterıaǵa, kókjótelge, sirespege, gemofıldi ınfeksıaǵa, polıomıelıtke qarsy Pentaksım vaksınasymen – 3 252, peroraldi polıomıelıtke qarsy OPV vaksınasymen - 204, dıfterıaǵa, kókjótel, sirespege qarsy Adasel vaksınasymen -212, V vırýsty gepatıtine (VGV) qarsy – 686, A vırýsty gepatıtine (VGA) – 3468 bala.
Onyń aıtýynsha, bul jumys qalalyq medısınalyq uıymdarynda ambýlatorıalyq-emhana jelisinde jalǵasýda.
Qazirgi ýaqytta belgilengen jastaǵy turǵyndardy josparly profılaktıkalyq egýlermen qamtýdy qamtamasyz etý úshin Almaty qalalyq densaýlyq saqtaý basqarmasynyń qoımasynda vaksınalar bar. Aǵymdaǵy jyldyń shilde-tamyz aılarynda vaksınalardyń qosymsha kólemin jetkizý kútilýde.
SEBD málimeti boıynsha, Almaty qalasynyń aýmaǵy kene ensefalıti boıynsha endemıalyq jáne bezgektiń joǵary aımaǵynda ornalasqan.
Kenelerdiń sanyn shekteý maqsatynda eki ret jalpy aýdany 4733,12 ga bolatyn ormandy alqaptar men qalalyq saıabaqtarda, alańdarda kenelerge qarsy dezınseksıalyq óńdeý júrgizildi (100 qalalyq saıabaqtar men alańdarda -461,636 ga, 8 orman saıabaǵynda - 1904,924 ga) jáne jalpy aýdany 74,4 ga bolatyn 6 anofelogendi sý qoımasynda 6 ret bezgek masalaryna qarsy dezınseksıalaý jumystary aǵymdaǵy jyldyń maýsym aıynan tamyz aıy aralyǵynda júrgiziletin bolady.
Dezınseksıalyq is-sharalar respýblıkalyq búdjet qarajaty esebinen, aýdandyq sanıtarıalyq-epıdemıologıalyq baqylaý basqarmalarynyń mamandarynyń tikeleı baqylaýymen SHJQ MQK «Almaty qalasy boıynsha dezınfeksıalyq ortalyq» fılıaly júrgizedi. Dezınfeksıalyq óńdeý jumystaryn júrgizý úshin «Delteks SC 10» ınsektısıdti-akarısıdty preparat qoldanyldy.
Spıker sondaı-aq, aǵymdaǵy jyldyń sáýir aıynda Úndistannan kelgen týrıser arasynda tyrysqaq aýrýynyń syrttan ákelingen 3 jaǵdaıy tirkeldi (barlyǵy basqa elderdiń azamattary, sonyń ishinde Qyrǵyzstan – 1 jaǵdaı, Reseı Federasıasy – 2 jaǵdaı). Barlyq jaǵdaılar tyǵyz baılanysta bolǵan 170 adam anyqtaldy, barlyǵy ınkýbasıalyq kezeńde juqpaly aýrýlar stasıonaryna oqshaýlandy, densaýlyǵyna shaǵymdar bolǵan joq, barlyǵy tekserildi, nátıjesi teris. Naýqas profılaktıkalyq em qabyldaǵannan keıin, taldaý nátıjesi teris bolyp úıden shyǵaryldy.
«2024 jyldyń 5 aıynda koronavırýstyq ınfeksıanyń zerthanalyq rastalǵan 282 jaǵdaıy tirkeldi, onyń ishinde 14 jasqa deıingi balalar – 31, jasóspirimder – 6 jáne eresekter – 243. Aǵymdaǵy jyldyń 1 maýsymynan 20 maýsymyna deıingi kezeńde koronavırýstyq ınfeksıasynyń zerthanalyq rastalǵan jaǵdaılary tirkelgen joq», - dep tolyqtyrdy Ásel Qalyqova.
Barlyq ınfeksıalyq jáne parazıttik aýrýlar oshaqtarynda epıdemıaǵa qarsy (profılaktıkalyq) is-sharalar Keshendi is-sharalar josparlaryna jáne qoldanystaǵy sanıtarlyq erejelerge sáıkes densaýlyq saqtaý uıymdarymen birlesip ýaqtyly júrgizildi.