Almatyda taǵy bir páter jaldaý alaıaǵy qolǵa tústi.
Bostandyq aýdandyq polısıa basqarmasyna joq páterlerdi jalǵa berý arqyly aldanǵan azamattardan bes shaǵym kelip tústi, – dep habarlaıdy aqshamnews.kz.
– Kúdikti tanymal saıtta naryq baǵasynan tómen baǵa kórsetilgen jalǵan jarnamalar ornalastyrǵan. Osy arqyly páterlerdi jyldam alǵysy kelgen azamattar kúmándanbaı, tolyq aldyn ala tólem jasaǵan. Aqshany alǵannan keıin jalǵan rıeltor baılanysyn úzip, izin sýytyp otyrǵan. 26 jastaǵy kúdikti ustalyp, qamaýǵa alyndy. Atalǵan derek boıynsha qylmystyq is qozǵaldy. Tergeý amaldary júrgizilýde. Kúdiktiniń Jetisý oblysynan kelgeni anyqtaldy, – dep málimdedi Bostandyq aýdandyq polısıa basqarmasynyń bastyǵy Dıdar Ahanov.
Qazirgi ýaqytta tergeý múddesine oraı, QR Qylmystyq kodeksiniń 201-babyna sáıkes basqa aqparattar jarıalanbaıdy. Aıta keteıik, QR Konstıtýsıasynyń 77-babynyń 3-bóligi, 1-tarmaǵy jáne QR QK-niń 19-babynyń 1-tarmaǵyna sáıkes, kez kelgen azamattyń kinásizdigi sot sheshimi zańdy kúshine engenge deıin saqtalady.