Almaty qalasy Jastar saıasaty basqarmasy qoldaýymen 17 qarasha Halyqaralyq stýdentter kúnine arnalǵan aýqymdy «Almaty Student’s Week» festıvali aıasynda Áýezov aýdany komúnıtı ortalyǵy «PROdvıjenıe: Jas kóshbasshylardyń ıdeıalar festıvalin» uıymdastyrdy.
Sharanyń maqsaty — jastardyń usynatyn jańa, ınovasıalyq jobalaryn qarastyrý. Stýdentter arasynda birlik pen dostyq atmosferasyn qalyptastyrý, qoǵamda jan-jaqty, bilimdi jáne belsendi tulǵalardy tárbıeleý, sondaı-aq jastardyń kóshbasshylyq qabiletterin damytý jáne jańa ıdeıalardyń iske asýyna yqpal etý.
Halyqaralyq stýdentter kúnine arnalǵan «PROdvıjenıe: Jas kóshbasshylardyń ıdeıalar festıvali» 2024 jyldyń 14 qarashasynda, saǵat 15:00-de Áýezov aýdany komúnıtı ortalyǵynda ótkizildi.
Shara 3-kezeńnen turdy. «Jas Mind» atty 1-kezeńde qatysýshy stýdentter jastar bolashaǵy týraly óz ıdeıalary men jobalaryn qorǵap, olardy basqa qatysýshylar men sarapshylar aldynda prezentasıalady. Jobasy úzdik dep tanylǵan komandalar alǵys hatpen jáne arnaıy syılyqtarmen marapattaldy. 2-kezeńde qatysýshy stýdent jastarǵa arnalǵan ıntellektýaldy kýız oıyny men kofe-breık uıymdastyryldy. Al, sharany qorytyndylaǵan 3-kezeńde tanymal ánshilerdiń qatysýymen jastarǵa arnalǵan akýstıkalyq kesh ótkizildi. Merekelik atmosferany erekshe etý úshin is-shara «Garrı Potter» stılinde sándeldi.
Jas kóshbasshylardyń ıdeıalar festıvali óte paıdaly ári júıeli túrde óte bildi. Mysaly, «Jas Mind» kezeńinde qatysýshylar ózderiniń áleýmettik, ekologıalyq jáne bilim berý salasyndaǵy ıdeıalarymen bólisti. Jobalar arasynda jastardyń kóshbasshylyq qabiletterin arttyrýǵa, jańa tehnologıalardy engizýge jáne qoǵamdaǵy ózgeristerge úles qosýǵa arnalǵan tyń sheshimder usynyldy. Qatysýshylar men sarapshylar arasyndaǵy pikir almasý ári qaraıǵy jobalar men bastamalar úshin jańa serpin berdi. Aldaǵy ýaqytta da osyndaı stýdentterdiń tyń jobalaryn iske asyrýǵa múmkindik beretin is-sharalardy kóptep ótkizilmekshi.
