İs-sharany qalalyq bilim basqarmasymen birlese otyryp, polısıa departamentiniń esirtki qylmysyna qarsy kúres basqarmasynyń qyzmetkerleri uıymdastyrdy.
Semınarǵa mektep dırektorlarynyń tárbıe isi jónindegi orynbasarlary, psıhologtar jáne mektep jetekshileri qatysty. Bul mańyzdy kezdesý Almaty qalasynyń Alataý aýdanyndaǵy Inovasıalyq shyǵarmashylyq ortalyǵynda ótti, dep habarlaıdy aqshamnews.kz Polisia.kz-ke silteme jasap.
– Esirtkiniń zańsyz aınalymyna qarsy kúrestegi birlesken kúsh-jiger máseleleri keńinen talqylandy. İs-sharanyń basty maqsaty – kámeletke tolmaǵandar arasynda nashaqorlyqtyń aldyn alý boıynsha tıimdi aqparattyq-túsindirý jumystaryn júrgizý úshin qatysýshy taraptar arasynda tájirıbe almasý jáne yntymaqtastyqty nyǵaıtý. Osyǵan oraı, semınardyń negizgi úsh baǵyty anyqtaldy: nashaqorlyqtyń aldyn alýdaǵy tárbıe jumysynyń róli; jasóspirimder arasyndaǵy aldyn alýdyń psıhologıalyq aspektileri; oqý oryndaryndaǵy aqparattyq jumystyń tıimdi ádisteri, – dep atap ótti Almaty qalalyq PD esirtki qylmysyna qarsy kúres basqarmasynyń bastyǵy Murat Jumabaev.
Semınar-trenıng qatysýshylar úshin tájirıbe almasý jáne kámeletke tolmaǵandarmen jumys jasaýdaǵy ozyq ádisterdi engizý alańyna aınaldy. Bul qadam qoǵamda nashaqorlyq máselesine qarsy ortaq túsinistik pen jaýapkershilik kózqarasyn qalyptastyrýǵa baǵyttalǵan.