Bul suraqqa oblys ákimi Qanat Bozymbaev jaýap berdi.
Oblysty bólý jónindegi jumys komısıasy qurylǵan, dep habarlaıdy Almaty-akshamy.kz.
«Qurylatyn Jetisý oblysynyń aýmaǵynda 352 eldi mekeni bar 8 aýdan jáne 2 qala, Almaty oblysynyń aýmaǵynyń quramynda 380 eldi mekeni bar 9 aýdan jáne 1 qala bolady», - dedi Almaty oblysynyń ákimi Qanat Bozymbaev.
Sonymen qatar óńir basshysy oblysty bólý jónindegi jumys komısıasy qurylǵanyn, oǵan oblystyq basqarmalar men aýmaqtyq organdardyń birqatar basshylary kirgenin jetkizdi.
«Qapshaǵaı qalasynyń jańa bas jospary men egjeı-tegjeıli josparlaý jobasy ázirlenýde. Júrgizilip jatqan qaıta qurýlar men qaıta ataýlar boıynsha ǵylymı saraptama júrgizilýde», - dedi Q.Bozymbaev.
Aıta keteıik, Almaty oblystyq máslıhatynyń kezekten tys sesıasynyń kún tártibinde Qazaqstan Respýblıkasynyń Prezıdenti Q.Toqaevtyń Jetisý oblysyn qurý týraly bastamasy qaralyp, depýtattar tarapynan qoldaý tapty.