Parıj qalasynyń ortalyǵynda bolǵan jarylys saldarynan kem degende 37 adam zardap shekti. Taǵy tórt adam aýyr halde jatyr, dep habarlaıdy Euronews
Agenttiktiń habarlaýynsha, úıindiler astynda taǵy eki adam qalýy múmkin.
Oqıǵa Fransıa astanasynyń besinshi aýdanynda, Lúksembýrg saıabaǵy men Panteonǵa jaqyn jerde ornalasqan Parıjdegi Amerıka akademıasynyń ǵımaratynda boldy.
Aldyn ala boljam boıynsha, ǵımarat ishinde gaz jarylyp, qasbeti jolǵa qulady. Jaqyn mańdaǵy úılerdiń turǵyndary evakýasıalandy.
Oqıǵa ornyna eki júzden astam órt sóndirýshi, qutqarý qyzmetteri, sondaı-aq Parıj meri Ann Idalgo keldi.
Prokýratýra jarylys sebebiniń eki nusqasyn tergeý ústinde – «qaýipsizdik erejelerin buzý» jáne «adamdardyń salaqtyǵy». Bul týraly brıfıńte Parıj prokýrory Lor Bekúo málimdedi.