2024 jylǵy Olımpıadanyń barlyq medaldarynyń dıametri 85 mm jáne qalyńdyǵy 9,2 mm. 5084 medaldyń árqaısysynyń ortasynda arnaıy jıektelgen Eıfel munarasynan altyburyshty temir bar. Marapattardyń dızaınyn Chaumet zergerlik úıi jasady. Medaldardy Parıj moneta saraıy jasap shyǵardy, dep habarlaıdy aqshamnews.kz.
Olımpıadanyń altyn medaliniń salmaǵy 529 gram. Medaldyń 95,4% - dan astamy (505 gramy) kúmisten jasalǵan. Alty gram taza altynnan turady. Bylaısha aıtqanda ol medaldy jalatý úshin qoldanylady. Qalǵan 18 gramy temir.
2024 jylǵy Olımpıada oıyndarynyń altyn medaliniń quny altyn, kúmis jáne temirdiń spot baǵasyna negizdelgen shamamen 950 dollardy quraıdy. Bul medal olımpıada oıyndary tarıhyndaǵy eń qymbat medal boldy. Bul, eń aldymen, altyn baǵasynyń kóterilýine baılanysty. Buryn eń qymbat medaldiń quny 2012 jyly Londondaǵy Olımpıadada bolǵan — $708.
Eger altyn medal taza altynnan jasalǵan bolsa, onda ol shamamen 41,16 myń dollarǵa baǵalanatyn edi. Jalpy taza altynnan quıylǵan medal 1912 jylǵy olımpıada oıyndarynda berilgen. Sodan keıin medal sapasy tómendep, altynmen jalatylyp keledi.
Kúmis medaldyń salmaǵy 525 gramm. Onyń 507 gramy kúmis bolsa, 18 gramy temirden turady. Onyń quny shamamen $486 quraıdy.
Qola medaldyń salmaǵy 455 gramm. Onyń 415,15 gramy mys, 21,85 gramy myrysh jáne 18 gramy temirden turady. Onyń quny shamamen $13 quraıdy.