Olımpıadany uıymdastyrýshylar HOK usynǵan múmkindikti paıdalanyp, jalpy oıyndy qyzyqty ótkizý maqsatynda qosymsha sport túrlerin engizdi.
Ulttyq Olımpıada komıtetiniń dereginshe, Parıj Olımpıadasyn uıymdastyrý komıteti 2024 jylǵy jazǵy oıyndardyń baǵdarlamasyn usyndy, dep habarlaıdy Almaty-akshamy.kz.
Parıj-2024 jastardyń kóńilinen shyǵatyn jáne sporttyq nátıje men shyǵarmashylyqty arttyratyn tórt sport túrin oıyn baǵdarlamasyna qosty.
Naqtyraq aıtsaq, Parıjde breıkıng, sporttyq quzǵa órmeleý, skeıtbordıng pen serfıngten júldeler oınatylady.
Breıkıng (breık-dans) 2018 jyly Býenos-Aıreste ótken jasóspirimder Olımpıadasynda alǵash ret jeńimpazdardy anyqtady. Endi Parıjdegi Olımpıada oıyndarynyń baǵdarlamasyna resmı túrde enip otyr. Olımpıada baǵdarlamasynan alynatyn sport túrleri de anyqtaldy. Parıjde Tokıo oıyndaryndaǵy úsh sport túrinen jarystar ótkizilmeıdi. Naqtylap aıtar bolsaq, karate, beısbol men softbol Olımpıada baǵdarlamasynan shyǵaryldy.
Parıjdegi Olımpıada oıyndarynda 32 sport túrinen júlde taratylady. Álemniń 200-den asa memleketinen kelgen sportshylar 306 júlde jıyntyǵyn sarapqa salady.
2024 jylǵy Olımpıada oıyndarynyń baǵdarlamasyna engen sport túrleri:
Akademıalyq esý, badmınton, basketbol (onyń ishinde 3x3 basketbol bar), boks, kúres, breıkıng, velosport, sý sporty túrleri, voleıbol, jaǵajaı voleıboly, gandbol, gımnastıka (batýt, sporttyq gımnastıka, kórkem gımnastıka), gólf, baıdarka men kanoede esý, dzúdo, at sporty, jeńil atletıka, ústel tenısi, jelkendi sport, regbı-7, serfıng, skeıtbordıng, qazirgi bessaıys, sporttyq quzǵa órmeleý, sadaq atý, sporttyq atý, tenıs, trıatlon, taekvondo, aýyr atletıka, fýtbol, kógaldaǵy hokeı,
Aıta keteıik, Parıjdegi Olımpıada oıyndary 2024 jyldyń 26 shildesi men 11 tamyzy aralyǵynda ótedi.