Búginge arnalǵan kún raıy boljamy.
Qazgıdromet 20 tamyzǵa arnalǵan aýa raıy boljamyn jarıalaıdy, dep habarlaıdy Almaty-akshamy.kz.
El aýmaǵynyń basym bóliginde burynǵysynsha antısıklon áserinen jaýyn-shashynsyz aýa raıy kútiledi. Tek ońtústik-shyǵys taýly aýdandarynda, sondaı-aq respýblıkanyń shyǵysynda atmosferalyq frontaldy bólikterdiń ótýimen jańbyr jaýady, naızaǵaı bolady.
Elimiz boıynsha jeldiń kúsheıýi, ońtústikte shańdy daýyl, ońtústik-shyǵysynda burshaq bolady, soltústikte túńgi jáne tańǵy saǵattarda tuman kútiledi.
Jambyl oblysynda kúndiz taýly jáne taý bókterindegi aýdandarda naızaǵaı, burshaq kútiledi, oblystyń soltústik-shyǵysynda shańdy daýyl kútiledi, oblystyń soltústik-shyǵysynda jáne ońtústik-batysynda jel 15-20 m/s kúsheıedi.
Almaty oblysynyń taýly aýdandarynda naızaǵaı kútiledi.
Túrkistan oblysynyń batysynda shańdy daýyl kútiledi, taýly aýdandarda jáne oblystyń batysynda jel 15-20, kúndiz ekpini 25 m/s kúsheıedi. Kúndiz Qyzylorda oblysynyń ońtústiginde jáne ońtústik-shyǵysynda, Mańǵystaý oblysynyń soltústik-shyǵysynda shańdy daýyl kútiledi, jel 15-20 m/s kúsheıedi.
Shyǵys Qazaqstan oblysynyń soltústik-shyǵysynda naızaǵaı kútiledi, kúndiz jel 15-20 m/s kúsheıedi.
Kúndiz Qaraǵandy oblysynyń ońtústiginde jel 15-20 m/s kúsheıedi.
Túnde jáne tańerteń Soltústik Qazaqstan oblysynyń soltústik-shyǵysynda tuman kútiledi.
Kúndiz Atyraý, Batys Qazaqstan, Aqtóbe oblystarynda qatty ystyq saqtalady, Mańǵystaý, Qostanaı oblystarynyń ońtústiginde qatty ystyq saqtalady.
Mańǵystaý oblysy, Atyraý, Batys Qazaqstan, Aqtóbe, Qyzylorda, Túrkistan, Jambyl, Almaty oblystarynyń basym bóliginde, Qaraǵandy oblysynyń batysynda, Qostanaı, Aqmola, Shyǵys Qazaqstan oblystarynyń ońtústiginde tótenshe órt qaýpi saqtalady.