Bul - Edınbýrg ýnıversıteti mamandarynyń zertteý derekteri.
Parasetamoldy uzaq tutyný júrek aýrýy men ınsýltti týdyrady, dep habarlaıdy Almaty-akshamy.kz RIA Novostı saıtyna silteme jasap.
Zertteýge qan qysymy joǵary 110 erikti adam qatysty. Eki apta boıy olardyń keıbireýleri kúnine tórt ret parasetamol qabyldaǵan, al basqalary plasebo qabyldaǵan. Pasıentter emdeýdiń eki túrin de kózderi baılanǵan kúıde jáne kezdeısoq tańdap alǵan.
Sonymen qatar, zertteýge qatysýshylardyń úshten ekisi gıpertonıaǵa qarsy preparattar da ishken. Nátıjesinde, zertteýge qatysýshylardyń qan qysymynyń ortasha eseppen alǵandaǵy kórsetkishiniń joǵarylaǵany anyqtaldy.
Sarapshylardyń pikirinshe, parasetamoldy únemi qoldaný júrek aýrýy nemese ınsýlt qaýpin shamamen 20 paıyzǵa arttyrady dep kútýge bolady. Atalǵan preparatty qabyldaýdy toqtatqannan keıin qatysýshylardyń qan qysymy zertteýdiń basynda bolǵan deńgeıine qaıtyp kelgen.
Buǵan deıin parasetamoldyń baýyr aýrýyn kúsheıtetini belgili boldy. Sonymen qatar, preparat teriniń qyzaryp qyshýy, isinýi, bórtpeler shyǵyp, qabyrshaqtanyp, alergıa týdyrýy da múmkin.
Parasetamol, sondaı-aq asetamınofen retinde de belgili, ol ystyqty túsrýge, jeńil jáne ortasha aýyrsynýdy basýǵa keńinen qoldanylady. Ol ortalyq júıke júıesindegi sıklooksıgenazdy bloktaıdy, aýyrsyný men termoregýlásıa ortalyqtaryna áser etedi. İs júzinde qabynýǵa qarsy áseri joq.
Parasetamol Dúnıejúzilik densaýlyq saqtaý uıymynyń mańyzdy dári-dármekter tizimine engizilgen.