Almaty sırkine qalpyna keltirý jumystary júrgiziledi.
Bul týraly Almaty qalasynyń mádenıet basqarmasynan málim etti, dep habarlaıdy Almaty-akshamy.kz QazAqparatqa silteme jasap.
Qalalyq mádenıet basqarmasynan habarlaǵandaı, Qazaq memlekettik sırkiniń ǵımaratynda jóndeý jumysy júrgenmen, ártisterdiń jumys orny saqtalady.
«Qalpyna keltirý jumysy barysynda ǵımarattyń bastapqy kelbeti, dızaıny men syrtqy qurylymy ózgerissiz qalady. Sondaı-aq, onyń barysynda sırktiń búkil óner ujymy respýblıkada, sondaı-aq jaqyn jáne alys shetelderde gastróldik saparda bolady. Jóndený jumysy kezinde, Qazaqstannyń eńbek zańnamasyna sáıkes, ártisterdiń jumys orny saqtalady», - delingen mádenıet basqarmasynyń habarlamasynda.
Aıta keteıik, Almaty sırki Dinmuhamed Qonaevtyń bastamasymen 1979 jyly salyndy. Sáýletshisi Vladımır Kasev boldy. 2003-2006 jyldary sırk alǵash ret kúrdeli jóndeýden ótti. Sırk ǵımaraty qala qurylysy jáne sáýlet eskertkishi retinde jergilikti mańyzy bar tarıh jáne mádenıet eskertkishteriniń tizimine engen.